cheukfung bB

今日放假, 但baba要返工,
我地等到晚上baba放工後,
一齊外出食飯, 然後就趕住返屋企,
因為想到樓下會所游水呀,

我地同埋焯峰一齊到樓下會所玩,
但無帶汶恩呀, 因為佢只得三個月大,
又未識坐好, 未玩到, 所以等佢再大d,
先同埋汶恩一齊去玩

泳池有兩大個, 一個係按摩池暖水的, 一個係大池涷水的
我地先去玩曖水, 跟住baba話去玩涷水
點知, 真係好涷架,
焯峰同baba上身無著衫都唔怕, 但我就覺得好涷,
因為我件泳衣係背心形, 所以應該可以頂得住的

我一路行, 一路話好涷呀, 好涷呀,
呢個baba就用水bu 我,
焯峰見到, 就即刻跟住做,
焯峰話: 你話投降呀
媽咪話: 我投降啦
焯峰話: 你投降都無用架la

激死, 又叫我講投降, 點知係投降都無用,

我的小小汶恩出世啦!!

年三十中午出世,
感覺好似想同我地一齊團年咁,
好開心,

小小汶恩出世時有7磅3,
哥哥好錫汶恩,
我已經好開心ru

小小汶恩同哥哥小時候係一樣架,
相似度有90%

焯峰係一個有要求, 講乾淨, 要靚的人

有一晚同佢訓覺時傾計,
真係比佢笑死, 講完故事,
訓覺時,
焯峰: 不如我地傾下計呀
媽咪: 好呀, 焯峰, 好多人都話你好似baba呀
焯峰: 我唔要似baba呀, 佢塊臉咁多粒粒, 我有頭髮架ma
媽咪: 但你係男仔, 你長大後都會似佢架
焯峰: 我唔要似baba, 都唔靚仔既,

跟住baba呢個時候返黎, 聽到焯峰咁講, 真係好傷心,
baba: 我唔開心呀, 焯峰話我唔靚仔
焯峰: (開始扭計) 我唔要似baba, 佢都唔靚仔
媽咪: (好攰想佢快d訓覺) 好啦, 你唔想似baba, 咁你要食少d薯片, 飲少d汽水
焯峰: 但係我好鐘意飲忌簾同可樂喎
媽咪: 咁你大個後就會好似baba咁架la
焯峰: (又開始扭計) 我唔要似baba, 佢都唔靚仔
媽咪: 咁好啦, 你唔似baba啦, 你似媽咪啦
焯峰: (指住我塊面的斑) 但係你呢度同埋呢度, 仲有呢度都有一點點喎
媽咪: 呢d好快就無架la, 我地而家快d訓覺la

真係比佢笑死, 點都唔肯似baba, 希望baba唔好嬲佢啦,

09年11月15日係我地屋企最後一位基細佬結婚的大日子

我地六兄弟姊妹, 一個一個接住結婚生仔,
真的好忙, 近幾年時間, 一係就個個都唔郁,
一郁真係嚇死人, hehe, 自從焯峰的出世,
我的細佬妹, 就開始結婚生仔, 轉眼間,
四年半時間裡, 我媽咪快將有九個孫仔孫女,
好熱鬧, maybe 再過多幾個月, 又會再多幾個都唔出奇

今日係K2 觀課日,
原本寫左係昨日, 居然唔記得左,
仲要係朋友仔媽咪MANDY打電話問我,
做嘜唔黎觀課, 激死呀, 居然唔記得左,
因為星期二觀課係10:30-11:30 有英文課程
仲可以入去坐低聽埋,
點知, 今日去就只係一般的課程9:30-11:30
不過, 焯峰見到我, 都好開心, 咁都值得既

呢間SCHOOL真係幾好, 可以有觀課, 老師校長都好細心, 斯文

焯峰响課室做勞工, 做好後, 好大聲問我, 靚唔靚,
隔住玻璃窗都聽到佢問我嘜,
跟住焯峰飲水時, 隔住個門, 我示意我都有支水
焯峰就話同我乾杯, 飲完水仲同老師講
「劉老師, 我頭先同我媽咪乾杯呀」

見到焯峰返學都好開心, 而我响出面睇都好開心呀
就算請假都值得